KALIBO, Aklan—Nagpagguwa eon it listahan ro Department of Education (DepEd) it 59 nga mga eskwelahang napili nga magapatigayun it pilot implementation it limited face-to-face classes nga maga-umpisa sa Nobyembre 15, 2021.
Naga-abot sa 638 nga eskwelahan ro ginsikyar ro kahauman nga makiparte sa pilot implementation apang 59 eamang ro napa-eakip sa ginrekomenda it Department of Health (DOH) ag Deped.
Ro Laserna Integrated School sa banwa it Nabas eamang ro naga-isaeahanon nga eskwelahan sa Aklan nga nakaibahan sa listahan
Ro mga napiling eskwelahan hay maidid nga ginsikyar it DOH Epidemiology Bureau ag ginakilaeang minimal ukon low risk, base sa Alert Levels it mga probinsya/highly urbanized cities (HUC)/ independent component cities (ICC) ag risk category it munisipalidad ag siyudad.
