KALIBO, Aklan—Padayon nga nagapahaum ro naga-isaeahanon nga eskwelahan sa probinsiya it Aklan nga nakasueod sa ginrekomenda nga pagapasugtan nga makapatigayon it face to face classes.
Suno kay Dr. Miguel Mac Aposin, Schools Division Superintendent it Department of Education ukon DepEd-Aklan nga ro nasambit nga eskwelahan nga andang ginrekomenda hay ro Laserna Integrated School.
Sa makaron hay padayun sigon ro andang pakikipag-angot sa central office it DepEd agud nga masayuran ro dugang nga mga instructions partikular kon anong grade level ro pagapasugtan.
Mag-eowas kara, padayun man ro andang koordinasyon sa komunidad, barangay, munisipyo ag district office nga positibo man ro naging sabat.
Apang nakadepende sigon ro pinal nga pagdesisyon sa mga ginikanan kon pasugtan ro andang mga unga nga magsueod sa eskwelahan.
Ko una sigon hay ginaasugtan ro kinder hasta grade 1 to 3, apang makaron hay posibleng i-eakip ro higher levels.
Sa kabilugan nga target nga 120 nga eskwelahan nga ginrekomenda it ahensiya, 59 ro gin aprubahan it department of health kun sa siin sambilog kara ro eskwelahan sa Aklan.
Sa pihak nga parte, amat-amat eon man nanda nga gina comply ro mga requirements eabi eon ro pagbutang it mga barriers/shield sa mga classrooms.
