KALIBO, Aklan—Madayun eon sa Lunes, Nobyembre 15 ro limited face-to-face classes matapos makumpleto it Laserna Integrated School sa banwa it Nabas ro mga kinahangeanon nga requirements para sa dry run.
Raya ro ginpahayag ni Dr. Miguel Mac Aposin, Schools Division Superintendent it Department of Education ukon DepEd-Aklan.
Kaibahan ro Laserna Integrated School sa listahan it tatlong public schools sa Western Visayas para sa pilot testing.
Ko nagtaliwan nga domingo suno kana hay naging madinaeag-on man ro andang ginpatigayon nga simulation exercise kun sa siin eubus kara nga ginkalipay ro kooperasyon it mga ginikanan, LGU-Nabas, opisyal it barangay ag iba pang ahensiya it gobyerno.
Kampante sigon imaw nga magamadinaeag-on ro andang pilot implementation it limited face to face classes nga pagapasakupan it kindergarten ag grade 1 hasta grade 3 nga learners.
