KALIBO, Aklan—Preparado eon ro Laserna Integrated School sa banwa it Nabas nga testingan ro limitadong face-to-face classes it mga estudyante sa nasambit nga lugar.
Suno kay Mrs. Rosalie Dela Torre, principal it eskwelahan nga haeos pilang buean eon ro andang pagpahaum sa pilot face-to-face classes ag preparado eon sanda para kara nga pagahiwaton sa maabot nga Nobyembe 15 hasta Enero 31, 2022.
Nasayuran nga ro Laserna Integrated School eamang ro naga-isaeahanon nga eskwelahan sa aklan nga na-qualify para sa ginaproponer nga pilot testing it face to face classes bangud sa manaba nga kaso it covid 19.
Ginklaru pa it principal nga kinder hasta grade 3 eamang ro magapasakop kara agud nga masunod ro ginapatuman nga health and safety protocol.
Kaibahan sa andang ginpahaum ro pagbutang it shield nga plastic cover sa pungkuan it kada estudyante.
Gindugang pa ni dela torre nga tatlong oras eamang ro magiging klase , daywang domingo sa sang buean ag limitado eamang sa 12 nga estudyante ro pagapasugtan nga makasueod sa classroom.
Dapat man nga may parents consent ro pagsueod it estudyante ag owa raya it pieilitan.
