Gintalakay sa sangka health forum sa Quezon City ro padayon nga problema sa gobyerno it dengue sa nasyon, kun siin gintumod ro late intervention ag bukon tamang bueunga bilang nagapangunang rason it pagkamatay it mga pasyente.
Suno sa mga eksperto halin sa Philippine Foundation for Vaccination ag Philippine Medical Association (PMA), nagapabilin nga hangkat ro kakueangan sa tamang kasayuran it pilang health workers sa dengue management sa pihak it mabuhay eon nga presensya it sakit sa Pilipinas.
Base sa datos, 80% it kaso it dengue hay uwa it sintomas samtang 20% eamang ro nag-angkon it senyales, nga naga-tuga it pagka-delay sa diagnosis ag posibleng komplikasyon kapareho it shock ag fluid imbalance.
Nalista sa nasyon ro 285,109 dengue cases ag 1,132 pagkamatay, nga mas mataas kumpara sa pilang kaiping nga nasyon sa rehiyon.
Ginsambit man it mga eksperto ro mas ginpabaskog nga estratehiya para makuhit ro “Zero Dengue Deaths by 2030,” kaibahan ro surveillance, standard treatment protocols, mosquito control, vaccine development, ag information campaign.
