Nagpaandam ro pilang kongresista sa posibleng pagtaas sa presyo it mga serbisyo tuga it paghimo nga laye sa pag-amyenda it Public Service Act (PSA).
Raya ro naging paandam ni House Deputy Minority Leader Carlos Isagani Zarate kasunod it pagpirma ni Pangueong Rodrigo Duterte sa Republic Act 11659.
Ginpamilit ni Zarate, ro amyenda sa PSA hay owa it kinaiba sa Electric Power Industry Reform Act (EPIRA) ag Oil Deregulation Law.
Suno kana nga ro PSA amendments hay ginapasugtan eon ro full foreign-ownership ag kontrol sa pilang mga public services hay nagagamit it parehong economic framework it mga nasambit nga laye.
Ginpuna it kongresista nga gin-obra ro mga laye agud nga makabulig kunta sa mga Pilipino apang sa baylo hay mas pang magataas ro presyo it kuryente ag langis.
Paandam it mamalidha sa ulihi nga mga paniempo, bukon it maeayo nga ro PSA amendments hay magapataas man sa presyo it telecommunications, shipping ag airfares.
