KALIBO, Aklan—Makabig nga mabahoe nga hangkat sa maabo nga relasyon ro Long Distance Relationship (LDR).
Kung amat, nagaresulta man raya it pagkasamad it relasyon it mag-asawa ukon couple.
Ginpahayag ni Gender and Devlopment Officer Paul Adrian Pelayo nga una sa LDR ro nagkaeain-eain nga hangkat sa sueod it magpamilya ag relasyon.
Masami sigon nga rason kung ham-an nagakatabo ro Long Distance Relationship hay bangud sa handom nga mai-angat ro estado it andang pagpangabuhi ag profession kapareho it mga seafarer.
Samtang, makabig man sigon nga ordinaryo eamang nga butang ro LDR sa Pilipinas bangud sambilog ro nasyon sa mabahoe nga exporter it labor force sa ibang nasyon.
Apang, bangud sa kaeayo it distansya sa kada isaea rason nga may mga relasyon nga nagakasamad.
Agud nga mabilin ro pagpalangga, ugalion nga makaangkon it “good communication” sa inyung mga partner.
Ro constant communication hay makabulig para mabuoe ro kahidlaw ag mapabilin ro kumpyansa sa kada isaea.
Ro pag-angkon it kumpiyansa ro pinaka-importante nga katangian it sangka manami nga relasyon, kung owa raya owa man it matibay nga pundasyon nga magabilog sa pagpalangga.
