KALIBO, Aklan–Nagapabilin nga normal ro lebel it tubi sa Aklan river umpisa kaina it agahon apisar it naexperiensyahan nga sigidas nga paguean uean sa bilog nga probinsya.
Suno kay Mr. Terrence Toriano, head it MDRRMO-Kalibo nga sa andang monitoring hay owa sanda it namonitor nga pagtaas it tubi sa kasubaan nga sakop it banwa it Kalibo.
Sa pihak kara naka red alert sigon ro tanan nga mga MDRRMO sa bilog nga probinsya bangud sa posibleng pagbaha.
Gina-engganyo man kara ro publiko nga magpamati sa radyo ag makibalita sa status it andang lugar.
Sa pihak nga parte ginpahayag Toriano nga sa makarun hay naka lay out eun ro andang deployment plan para sa paeaabuton nga Semana Santa.
Medyo masako man sigon makarun ro andang taeatapan apang ginpasiguro kara nga sanda hay hugot nga magabantay para sa kaeuwasan it publiko.
