KALIBO, Aklan–Nag-abot hasta sa red level warning it Municipal Disaster Risk Reduction and Management Council ukon MDRRMC ro lebel it tubi sa Ibajay river kahapon nga adlaw, Marso 13.
Raya hay matapos ro sigidad nga pagbubo it uean tuga it pagpanaeasa sa gihapon it Low Pressure Area ukon LPA sa nasyon kung sa siin ro probinsya it Aklan hay sambilog man sa mabahoe nga naapektuhan.
Suno kay Ariel Alag it MDRRMO-Ibajay nga kahapon hay nagpagguwa sanda it red level warning ukon boot hambaeon hay kinahangean eun nga maghaeong ro mga residente sa posibleng maging epekto it pagbaha.
Apang pagkatapos it pilang oras hay naghubas man raya ag uman nga naibalik sa white level ukon bukon eun it delikado ro andang lugar.
Samtang owa man it may nailistang landslide ukon mga mabahoe nga epekto ro maeain nga panyempo sa nasambitan nga banwa.
