Ginkumpirma ni John Martin Alipao, financial management officer 1 it Philippine Charity Sweepstakes Office ukon PCSO Aklan nga may nakaabot kanda nga impormasyon nga may mga illegal nga nagapataya nga ginatawag nga bookies.
Raya hay kasunod it pagkaaresto kanda it pulisya ko nagtaliwan nga inadlaw.
Angot kara, panugyan ni Alipao nga dapat sa legal authorized agent it Small Town Lottery ukon STL eamang magtaya kon sa siin makit-an sanda nga nakasuksok it ID, may mobile hand terminal ag may resibo nga ginata-o sa manugtaya.
Mag-eowas kara, uwa it manual nga ginasueat sa papel ro mga makabig nga legal agent bangud nga computerize ro tanan nga transaction.
Ginpahayag dugang ni Alipao nga haeos tanan nga banwa sa bilog nga probinsya it Aklan hay may operasyon it STL sa idaeom it Great Lion Gaming Ventures Incorporated.
Samtang, ro ginasugid nga bingguhan sa barangay hay bukon suno kana it authorize it PCSO Aklan.
