Ginatun-an gihapon it sangguniang bayan it Malay ro ginaduso nga proposisyon nga maging legal ro operasyon it habal-habal sa isla it Boracay.
Suno kay Punong Barangay Nixon Sualog it Manoc-Manoc, Boracay nga una gihapon sa lebel it natungdan nga komitibo ro proposisyon.
Ginpaboran ni Sualog ro plano it lokal nga gobyerno apang kinahang-ean sigon nga maregulate ag iprayoridad ro mga tumandok mismo sa isla.
Sa oras nga makapasa hay dapat nga visible ro tariff rate it mga raya agud nga makit-an it mga commuters ag inde sanda maabuso sa mataas nga panueoktan sa pamasahe.
Madumduman nga ro “an ordinance regulating the operation of single motor bike in Boracay as a common service carrier by providing livelihood programs and activities to an indigent family” hay ginsunod ro pattern sa Angkas nga presenteng nagabyahe sa Metro Manila.
Nauna eon nga ginpahayag ni Malay Sangguniang Bayan member Allan Palma nga tyempo eon para makaangkon it alternatibong transportasyon ag dapat nga ikonsidera kara ro habal-habal operations.
Mag-eowas kara, bilang preparasyon raya engkaso nga makaangkon it krisis sa kuryente ukon kalamidad.
