KALIBO, Aklan—Sangka lending collector ro ginapahayag nga ginhinold-up sa Brgy. Bel-is, Buruanga.
Ginkilaea it Buruanga PNP ro biktima kay Mark Kynell Sama, 22 anyos, residente it Dumalag Capiz, ag collector it sangka lending company.
Ginapahayag nga pauli eun sigon ro biktima matapos karang magpanukot kat gulpi eamang rayang gin-ambangan it daywang ka mga owa pa nakilaeang suspek nga armado it baril ag utak.
Base sa deskripsyon it biktima kalbo ro sambilog sa mga suspek ag ro sambiog kara hay mahaba ro buhok ag ginabana-bana nga una sa 5’6 to 5’7 ro kataason.
Gintutukan it suspek it baril ro biktima ag ginbo-oe ro daea karang back pack nga may sueod nga kapin sa P14,000 nga balor it kwarta.
Sa makarun hay nagapadayun pa ro imbestigayon it otoridad angot sa insidente.
