KALIBO, Aklan—Aminado ro Local Government Unit (LGU) sa banwa it Banga, Aklan nga nalisdan sandang mag-usoy it quarantine facility para sa mga residenteng ย maga-uli matapos nga maabutan it lockdown sa ibang probinsya bangud sa gihapon sa paeag it coronavirus disease ukon covid-19.
Apang sa makarun suno kana hay padayun ro andang pag-usoy it hotel nga pwedeng butangan sa mga Banganhon nga gustong mag-uli sa andang panimaeay.
Pagasueangon ro mga raya it bus nga gin-arkela it LGU ag ย pag-abot sa probinsya it Aklan kinahangean man nga magpaidaeum sa 14 days home quarantine.
Indi man sigon tanan hay makauli it dueongan ย bangud sa kakueangan it pasilidad.
Suno kay Banga Mayor Erlinda Maming nga ย sa makarun hay naga-usoy pa sanda it lugar nga makapasar sa guidelines nga gintao it Department of health (DOH).
Kaibahan kara ro pagkaangkon it kaugalingon nga bathroom.
Apang kaabuan sigon sa mga hotel makarun hay owa nagabatun it mga naga-abot nga aklanon sa kahadlok nga posibleng ย maging carrier raya it virus.
Igakonsidera man nanda ro budget nga masarangan eamang it pundo it LGU para sa pag-quarantine it mga raya.
Mataas eun man ro 15 ย ka mga banganhon ro andang masarangan nga paulion.
Sa makarun hay ginahueat eamang nga mapermahan ro aggrement para sa andang pag-uli.
Samtang, nagpangayo man it pasaylo ag pag-intindi si Mayor Maming sa pamilya it mga Aklanon nga gusto eun nga ย mag-uli sa andang banwa.
Indi eamang suno pa kana magdinali bangud ro LGU ag mga heath authority ย ย hay nagahimo eun it tikang para makataeana it quarantine facility para kanda.
Nasayuran nga sandig sa protocol ย it probinsya nga indi pwedeng mag-uli sa andang tagsa ka panimaeay ro mga na-stranded nga aklanon sa ibang probinsya kung owa pa natapos ro 14 days home quarantine.
