KALIBO, Aklan—Bangud nga haeos punuan eon ro mga quarantine facility sa banwa it banga, uman nga ginpasugtan ro home quarantine sa mga residente nga nagpositibo sa COVID 19.
Raya ro ginkumpirma ni Banga Municipal Inter-Agency Task Force Spokesman Donnalyn Siyambio.
Apang antes sigon nga ginapasugtan ro home quarantine hay gina-inspection anay it mga natungdan nga Barangay Health Emergency Response Teams ukon BHERTs ag midwife ro baeay agud nga masiguro nga tama ro pamaagi it pag-quarantine.
Gindugang pa ni Siyambio nga padayun ro pagtaas it andang kaso it mga dinapuan it deadly virus.
Raya hay matapos nga nag abot eon sa 707 ro kabilugan nga covid case matapos nga makalista it 19 nga bag-ong kaso ko Huwebes.
Nagapabilin nga 140 ro aktibong kaso kun sa siin ro 16 hay naka-admit sa provincial hospital ag 74 ro naka home quarantine samtang ro 50 nga iba pa hay naka-facility quarantine.
Sumaka eon man sa 16 ro numero it mga namatay.
Kaeabanan sigon sa mga tinamaan it kaso hay magpamilya ag close contact it mga dating nagpositibo sa sakit.
Sa pihak nga parte, gindugang pa kara nga may gintaeana eon nga burial ground ukon eubnganan it mga namatay sa covid ro andang Municipal Engineering Office.
