KALIBO, Aklan—Ginklaru ni Kalibo Mayor Emerson Lachica nga may kasugtanan eon sanda it Department of Public Works and Highways ukon DPWH-Aklan nga ro contractor it andang proyekto nga pagbutang it drainage ro magagastos ag maga-ayos it mga pagabak-eason nanda nga mga street lights.
Pila sa mga madaeasa kara hay ro mga street lights nga makit-an sa kahabaon it Mabini Street.
Samtang, gindugang pa ni Mayor Lachica nga ro proyekto pa gid nanda nga pag-install it mga mataas nga street lights halin sa Kalibo International Airport paagto sa Crossing Banga-New Washington nga nagabalor it haeos 25-milyon pesos hay kaparte it andang request sa DPWH bilang preparasyon sa pagiging siyudad it banwa it Kalibo.
Kon bukon sigon it makaron nga Disyembre hay posibleng sa unang quarter it 2022 raya matapos.
Sa pihak nga parte, ginpaidaeum eon sigon sa bidding ro andang pag-hire it consultant para sa pag-draft it drainage master plan bilang solusyon sa mga naexperiensiyahan nga pagbaha kada mabaskog ro uean.
