KALIBO, Aklan—Aminado ro lokal nga gobyerno it Kalibo nga maabu pa nga mga pumueuyu ag establisimento komersiyal ro owa nagasunod sa ginapatuman nga minimum health protocols kontra sa COVID-19.
Suno kay Executive Assistant to the Mayor Basil Tabernilla nga ro pag-obliga sa mga pumueuyu nga magsuksok it face shield hay sandig sa naga-eksister nga executive order nga pirmado ni Kalibo Mayor Emerson Lachica.
Matapos sigon nga naghaeuga ro mga restrictions hay matsa ginbalewala man it publiko ro pagsunod sa mga mga health protocol.
Matsa nalipat eon sigon ro mga pumueuyu nga padayun pa ro pagtaas it kaso it covid 19 sa banwa it Kalibo.
Angot kara, gin engganyo nana ro tanan nga ro disiplina ro pinakamabaskog ag epektibo nga pamaagi agud nga masuk-ean ro makamaeatay nga virus.
