KALIBO, Aklan–Gin-aprubahan sa ginpatigayun nga session it Sangguniang Bayan it Kalibo ro pagsueod sa Memorandum of Agreement (MOA) sa tunga it Philippine Statistics Authority (PSA).
Ginpaathag it mga representante it ahensya nga ro MOA hay naka-sentro sa pag-implementar it Philippine Identification Registration Assistance Project.
Tuyo kara nga mapaabu ro civil registration kung siin prayoridad kara ro mga pigadong pamilya nga owa it kapasidad nga iparehistro ro andang mga miyembro.
Target man it PSA nga mabuligan nga mai-rehistro ro mga pumueoyo nga owa pa it birth certificate.
Ginklaro man it ahensya nga ro proyekto hay naka-focus eamang sa birth registration.
Samtang, gintalakay man sa session ro papel it PSA ag lokal nga gobyerno para maayos nga ma-implementar ro aktibidad.
