KALIBO, Aklan—Gin-umpisahan eon it lokal nga gobyerno it Kalibo ro konstruksyon it igapatindog nga Christmas tree sa Kalibo Pastrana Park.
Apang, ro atraksyon nga igabutang makaron hay mas maisot kumpara ko nagtaliwan nga mga dag-on.
Raya hay para malikawan ro pagdugsuan it mga tawo ag bilang pagtipid eon man sa pondo it munisipyo bangud maabo nga proyekto ro mas nagakinahang-ean it mabahoe nga kwarta kapareho it pagsukoe sa pandemya daea it COVID-19 ag iba pang aktibidad.
Kaangot kara, pagabutangan man it dekorasyon nga ginaputos it Christmas light ro kada poste sa palibot it Pastrana Park ag bilog nga banwa it kalibo.
Raya nga aktibidad hay bilang pagpahaum sa paeabuton nga Paskwa.
Matueopangdan nga ginatos nga mga pumueoyo ro nagatambong sa dag-unan nga opening of lights it Giant Christmas tree ag paiwag sa bilog nga plaza it banwang Kalibo kada buean it Disyembre apang bangud sa pandemya hay ginaeauman nga owa eon anay it masaksihan nga kaparehong aktibidad.
