KALIBO, Aklan—Gin-umpisahan eon it Local Government Unit ukon LGU sa banwa it Kalibo ro pagpatigayun it road clearing operation sandig sa mando it Department of Interior and Local Government ukon DILG.
Suno kay Engr. Amalia Francisco , Municipal Engineer sa banwa it Kalibo nga ka-partner nanda sa pag-implementar ro mga katapo it Philippine National Police (PNP).
Ginpahayag dugang nga ro paglimpyo ag pahaeuga it mga karsada hay ginakaeakipan it pribado ag pampublikong lugar nga nagakri-ar it maeawig nga trapiko sa daeanon.
Kaeakip eun kara ro mga motor nga naka-parking sa binit it karsada ag ro mga baligya nga naka-diplay sa sidewalk.
Nasayuran nga mabuhay eun nga isyu ro traffic sa nasyon kung sa siin nagiging rason it bilyong pisong pagkalugi sa ekonomiya rason nga nagakinahangean it aksyon it gobyerno.
