LGU-Kalibo ginahueat pa ro advisory halin sa Municipal Tourism Office angot sa pagbukas it Tigayon Hills para mga tumueo-o

KALIBO, Aklan–Ginahueat pa makarun it Local Government Unit ukon LGU ro advisory it Municipal Tourism Office sa banwa  it Kalibo angot sa pagbukas it Tigayon Hills para sa mga tumueo-o nga gustong magsaka ag magpanata sa paeaabuton nga kwaresma.

Suno kay Barangay Kapitan Gil Morandante it Brgy. Tigayon, Kalibo nga sa makarun hay nakataeanang magpueong ro Local Inter-Agency Task Force ag Muncipal Tourism Office agud  istoryahan ro hinyo it publiko.

Nasayuran nga sambilog ro Bukid Tigayon sa mga ginadayo it publiko kada adlaw it Kwaresma agud nga magpangamuyo kaibahan ro andang mga barkada, pamilya ag mahae sa kabuhi.