-- ADVERTISEMENT --
KALIBO, Aklan—Ginpaathag ni Kalibo Executive to the Mayor Mr. Basil Tabernilla ro rason kon ham-an it inde eagi magamit ro regional evacuation center sa Brgy. Tigayon, Kalibo maskin may mga proposisyon eon kaangot kara.
Suno kana, maid-id nga ginaistudyuhan it lokal nga gobyerno kon anu pa ro mga posibleng mahimo agud nga makaangkon it dugang nga quarantine facility.
Suno kana, may ginasunod nga minimum standards halin sa department of health ukon DOH angot sa pagpundar it quarantine facilities.
Ginpahayag dugang ni Mr. Tabernilla nga ginatinguhaan sigon it alkalde nga mausuyan it solusyon ro kakueangan sa quarantine facility eabi eon ag nakaangkon it local transmission it covid-19 sa banwa it Kalibo.
