LGU-Kalibo, ginpasiguro nga magapadayun pa gihapon ro ‘Iwag it Kalibonhon’

KALIBO, Aklan—Ginklaro ni Kalibo Mayor Emerson Lachica nga magapadayun sa gihapon ro andang ginahimo nga ‘Iwag it Kalibonhon’ sa tunga it ginapangatubang nga pademya.

Suno kay Lachica nga raya ro sambilog sa andang ginahimo nga tikang agud nga makabulig sa gihapon sa mga pomoeuyo agud nga mapahagan- hagan ro andang ginabatyag nga problema.

Dugang pa kara nga ro nasambitan nga bagay hay makabulig sa mental health it mga pomoeuyo rason nga igapadayun nanda raya maskin nga simple eamang ag bukon it magarbo kapareho it mga nagtaliwan nga selebrasyon.