KALIBO, Aklan—Maga-loan ro Local Government Unit ukon LGU Kalibo it kapin sa P200 milyon para sa igapatindog nga multi-purpose facility sa Brgy. Nalook, Kalibo.
Suno kay Kalibo Executive Assistant to the Mayor Mr. Basil Tabernilla nga nagpatigayon eun it hinun-anon ro munisipyo kaibahan ro mga pomoeuyo angot sa nasambitan nga proyekto.
Engkasong matapos eun ro pagpatindog it edipisyo, raya hay pagahimuon nga temporaryong Ligtas COVID center sa banwa it Kalibo.
Gin-insister man kara nga owa it mauyang sa kwarta nga iga-alokar it munisipyo bangud nga kung matapos eu ro pakikipagsukoe sa COVID-19, pwede pa rayang himuon nga hotel ukon convention center.
Mag-euwas sa pagpatindog it multi-purpose facility, kaibahan man sa budget ro pagpatindog it temporaryong lugar nga pagasayluhan it mga vendors sa Kalibo Public Market.
