KALIBO, Aklan–Magabaton it worth P5 million nga premyo ro lokal nga gobyerno it Kalibo halin sa Department of the Interior and Local Government (DILG) sa siyudad it Iloilo.
Raya hay matapos nga magdaog ro banwa sa Seal of Good Local Governance.
Suno kay Kalibo Vice Mayor Dr. Cynthia Dela Cruz nga ro nasambit nga kantidad hay nakataeana para gamiton sa igatukod nga proyekto.
Target sigon nanda nga magtukod it bag-ong edipisyo it Rural Health Unit (RHU)-1 sa bahin it Brgy. Andagao.
Plano sigon nanda nga magbakae it 500 square meters nga eugta sa nasambit nga lugar agud nga butangan it edipisyo.
Mag-euwas kara, nakataeana man nga mag-umpisa ro konstruksyon makaron nga dag-on it RHU-3 sa Brgy. Nalook samtang ro RHU-4 hay plano nanda nga ipatindog sa Brgy. Tigayon sa bulig it Provincial Health Office (PHO).
