Owa it intensyon si Kalibo Sangguniang Bayan Member Agusto Tolentino nga baeabagan ro pag-umpisa it konstruksyon it Kalibo Public Market.
Suno kana nga antes sigon umpisahan ro nasambit nga kontruksyon hay siguraduhon anay it mga natungdan ro temporaryong pagahalinan it mga vendors.
Indi dapat sigon pagwaskon ro nasambit nga tindahan kung owa pa it siguradong halinan.
Ginpahayag dugang nga ipaidaeom sa tamang proseso ro nasambit nga paghalin ag indi pag madalion.
Angot kara nauna eon nga ginproponer ro Toting Reyes St. Nga temporaryong lugar para maging tindahan.
Apang owa raya gin-aprubahan bangud nasayuran nga sandig sa laye ginabawaean ro pagbutang it public market sa mga nagapangunang karasadahon.
Madumduman nga aprobado eon ni Kalibo Mayor Juris Sucro ro kontstruksyon it Kalibo Public Market nga may pondong kapin sa P410 million.
