KALIBO, Aklan—Ginpahayag it lokal nga gobyerno it Kalibo nga mag-eowas sa mga naka-schedule nga pagabakunahan, nagabaton man sanda makaron it mga walk-ins sa andang gintaeana nga mga vaccination centers.
Suno kay Kalibo Mayor Emeson Lachica nga naga-abot sa 1,000 nga Sinovac vaccines ro kinahangean nanda nga maturok makaron nga adlaw it Biyernes.
Maskin suno kana nga bukon it residente it kalibo apang iya nagatrabaho hay ginabaton nanda.
Kinahangean eamang sigon nga magpakita it pruweba kapareho it andang mga company ID.
Ginpahayag dugang nga sa masunod nga domingo hay ginaeauman ro pagbuhos it maabu pa nga mga bakuna.
Sa makaron hay haeos 50 porsiyento eon it mga target nga priority groups ro naturukan it bakuna sa kalibo ag mabahoe ro anang pagpati nga sa mas madali nga tiempo hay maabot eon nanda ro herd immunity.
