Nagabuylog ro lokal nga gobyerno it Kalibo sa LGBTQIA+ sa pagselebrar it pride month.
Angot kara, ginpahayag ni Jay-Ar Arante, head it media affairs it LGU Kalibo nga suportado ni Kalibo mayor Juris Sucro ro ginduso it sangguniang bayan nga may pagabuksan nga pedestrian lane para sa mga miyembro it LGBTQIA+.
Mag-eowas kara, may igabutang man nga public comfort room para sa tanan nga genders bilang pagkilaea sa andang kasarian ag andang katayuan sa komunidad.
Pagapabaskugon man it LGU ro pagkilaea sa kinamatarong it nasambit nga grupo agud nga makaangkon it patas nga pagtan-aw kanda sa sosyodad.
Sa pihak kara, sa pagguwa it isyu it pagtinaas it kaso it HIV, nagapahaom eon ro lokal nga gobyerno it pila ka mga tikang nga pagaumpisahan sa pueong sa nagkaeain-eain nga health offices agud nga masolusyunan ro problema nga eapnaag eon sa nasyon.
Mag-eowas kara, pagapabaskugon man suno kana ro awareness campaign angot sa nasambit nga masakit nga uwa pa it naimbento nga bueong para sa mga matamaan kara.
