KALIBO, Aklan–Nagakabaeaka si Municipal Treasurer Rey Villaruel nga posibleng mas pang madelay ro construction it relocation site it mga vendors sa Kalibo Public Market.
Raya hay kasunod it nagtuhaw nga owa pagka-ilintindihan sa ginpatigayon nga session ko nagtaliwan nga adlaw it sangguniang bayan it kalibo matapos nga halin sa dating 9,500 pesos nga presyo it eugta per square meters hay nahimo raya makaron nga 10,500 pesos.
Suno kay Villaruel nga aprubado eon it banko ro eugta nga pagabak-eon para sa proyekto nga nahamtang sa brgy. andagao kalibo rason nga medyu sukod eon sa oras engkaso nga mag-usoy it iba pang property nga mas barato.
Gin-insister ni Villaruel nga dapat nga ginpaathag it mayad sa mga miyembro it konseho nga sa nasambit nga kantidad it eugta hay owa pa naeakip kara ro mga baeayran sa buwis ag iba pang baeayran sa paglakad it papeles.
Ro isyu suno kana hay sa alima eon it lehislatura ag owa eon sa ehekutibo.
