-- ADVERTISEMENT --
KALIBO, Aklan—Gin-umpisa eon it lokal nga gobyerno it Kalibo ro distribusyon it relief assistance sa mga residenteng apektado it ginpatuman nga Surgical Enchanced Community Quarantine sa Purok 1, C. Laserna St., Brgy. Poblacion, Kalibo kahapon, Nobyembre 21.
Madumduman nga base sa ginpagguwa nga Executive Order ni Kalibo Mayor Emerson Lachica magabuhay ro lockdown hasta daywang dominggo.
Raya hay matapos nga makalista it siyam nga nagpositibo sa Coronavirus Disease 2019 ukon COVID-19 sa nasambit nga lugar.
-- ADVERTISEMENT --
Ro unang bugso it food packs hay may sueod nga bugas, manok, itlog ag longganisa kung siin ginabutang raya sa ibabaw it bangko sa guwa it kada panimaeay.
Matueopangdan nga haeos 200 nga pamilya ro apektado it paghugut sa nasambit nga lugar.
