KALIBO, Aklan — Ginpahayag ni Kalibo Vice Mayor Cynthia dela Cruz nga nagtaeana it pondo ro lokal nga gobyerno it Kalibo it kapin sa P250,000 sa sueod it sang dag-on agud nga suportahan ro andang Blood Samaritan Program.
Suno kana nga tuyo it nasambit nga inisyatibo nga makatau it financial assistance sa mga indigent patients nga kinahangean it blood transfusions ukon mataynan it dugo apang indi makasarang nga magbayad it blood processing fees.
Ginpahayag dugang nga libre ro ginatau nga dugo apang nagakolekta ro Philippine Red Cross (PRC) it processing fees agud nga masiguro ro kaeowasan para sa pagsalin it dugo.
Sakop it mga ginabayaran ro mga importanteng procedures kapareho it donor screening, infectious disease testing, blood component preparation, storage, ag quality assurance.
Angot kara, gina engganyo nana ro mga nagakinahangean it bulig nga mag agto eamang sa munisipyo .
Pwede kara nga masabat ro baeayran sa sambilog hasta daywang bags it dugo.
Dugang pa nga kinahangean sigon ro pagbueuligan it tanan rason nga importante ro pag donar it dugo sa mga ginapatigayon nga blood letting activity kamana man ro pag-angkon it replacement sa mga ginabo-oe nga dugo sa PRC.
