KALIBO, Aklan—Nagdihon it sangka programa ro Department of Social Welfare and Development (DSWD) para sa mga out of school youth nga negosyante sa banwa it Kalibo.
Suno kay Mr. John Marlou Salido, Kalibo Youth Development Officer II nga tuyo it programa nga mataw-an it livelihood assistance ro mga negosyanteng out of school youth nga apektado it pandemya.
Suno kana, ro kada benipisyaryo hay pagataw-an it capital nga nagabalor it 7, 100 pesos.
Maeuwas sa bulig pinansyal hay pagabuligan man ro mga raya nga mag-save it kwarta halin sa kwarta nga gintao it gobyerno.
Ginapahayag nga kapin sa 600,000 pesos ro pondo nga ginpagguwa it taeatapan para sa nasambitang programa.
Una kara hay nagpatigayun anay sanda it survey sa mga vendors sa pilang tindahan kung siin sangkiri eamang ro gustong magpasakop sa rayang programa it lokal nga gobyerno.
Sa makaron hay naga-abot eon sa 30 ro numero it mga out of school youth nga negosyanteng naging benipisyaryo it programa samtang 34 mat-a nga mga public market vendors ro gintaw-an it capital nga nagabalor it masobra 11,000 pesos.
