KALIBO, Aklan—Naka-usoy eon it relocation site ro lokal nga gobyermo it Kalibo nga temporaryong pagasayluhan it mga vendors agud nga maumpisahan eon ro construction it bag-ong Kalibo public market.
Raya ro ginkumpirma ni sangguniang bayan member Ronald Marte.
Suno kana nga sa ginpatigayon nga committee hearing, gintalakay nanda ro urgent request ni Kalibo mayor Juris Sucro agud nga taw-an imaw it otoridad nga makapag-negosyar sa proposal it negosyanteng si Ariel Garcia nga parentahan ro anang lote sa munisipyo.
Base sa proposal, 40 pesos per square meters ro renta sa masobra sa 1,200 square meters nga property.
Plano nga ibutang sa lugar ro fish ag meat section samtang ro iba pang stall owners hay temporaryong igabutang sa igasarado anay nga Toting Reyes St. Kalibo nga nakataeana nga paga-obrahan it ordinansa.
Posible sigon nga maduso raya makaron nga 2023.
Nasayuran nga nag abot eon ro mga tawuhan it contractor nga maga-construct it tindahan, apang uman nga ginpabalik sa manila bangud nga owa pa it kahauman.
Samtang, pinaagi sa special session it SB hay natigayon nga maaprubahan ro urgent request ni mayor Sucro.
