KALIBO, Aklan – Nagapreparar ro lokal nga gobyerno it Kalibo para sa nagapadayon nga tinguean ukon La Niña paagi sa mga nagkaeain-eain nga proyekto.
Suno kay Sangguniang Bayan Member Ronald Marte nga may mga revetment wall man sa may bahin it Aklan River halin Linabuan Norte hasta Bakhaw Sur apisar nga may eaktaw hay may nakaigo eun man ruyon nga pondo.
Pagsiguro man nana nga nagpahayag si Congressman Carlito Marquez it intensyon nga raya nga proyekto hay tapuson ngani nga magahinyo sanda sa Department of Works and Highways nga raya hay ubrahan it plano para man sa karsada nga sa ulihi hay maging daean man para sa mga trysikol.
Dugang pa nana nga ro Office of the Municipal Planning and Development Coordinator hay nagahimo it development plan sa mga riverside for tourism purposes.
Paathag ni marte nga ginhinyo nana ro MDRRMO, engineering office ag OMPDC nga maghimo it main drainage nga magadiretso sa mga suba ag bahuean ro mga maisot nga drainage.
Sa makaron sigon hay ro kaeabanan nga drainage sa Poblacion, Kalibo hay bukon it konektado sa main drainage.
Naghimo man it resolusyon nga palimpyuhan ro mga creeks sa 16 nga mga barangays.
Panindugan nana nga raya hay pangmabuhayan nga mga plano ag tikang.
Sa pihak nga parte, ginpapundo man ro paghimo it kontorberysal nga bus top sa may bahin it ASU Kalibo ag sa may Mabini Street paagi sa pag-istorya sa contractor ag DPWH kun siin nga raya hay nakabutang sa tunga it drainage ag rason it pagbaha, apang ginpadayon ro daywang ibang proyekto sa may capitol ag sa may bahin it municipal cemetery.
Pagdayaw nana nga manami ro proyekto apang uwa raya gakasinanto sa plano ag nagakadapat nga nakipag-angot sa LGU Kalibo.
Samtang, magahiwat sigon sanda it preparasyon para sa nagahilapit nga opening salvo it Sr. Sto Niño Ati-atihan Festival pinaagi sa pueong kaibahan man ro mga gusto mag-intra nga mga tribo .
