KALIBO, Aklan—Padayun nga naka-alerto ro Municipal Disaster Risk Reduction and Management Office ukon MDRRMO Kalibo bilang pagpahaum gihaon sa posibleng epekto it Bagyong Kristine.
Suno kay Terrence Toriano , head it MDRRMO-Kalibo nga uman nga gindesisyunan nga kanselahon ro klase sa tanan nga lebel sa banwa it kalibo makaron nga adlaw bangud nga padayun nga nakapaidaeum ro Aklan sa storm signal no. 1 butang nga indi masyadong maging kampante.
Sa pihak nga owa eon naeakip ro kalibo sa rainfall warning apang ro andang ginabantayan hay ro ikog it bagyo.
Maeapad suno kana ro coverage it bagyo ag kaibahan ro Western Visayas sa anang paga-agihan .
Dugang pa nga hasta hin-aga nga adlaw it Biyernes ro andang monitoring sa daeagan it paniempo.
Sa pihak nga parte, nagpanawagan si toriano sa mga kabarangayan nga dapat nga makaangkon it mga rescue volunteers nga may nagakaigo nga kasayuran ag ikasarang ag may bastante nga kagamitan ukon equipment .
Importante suno kana ro kooperasyon it barangay disaster risk reduction committees ag emergency response teams sa tiempo it kalamidad .
Bangud sa climate change, nagakagabay nga ro kada panimaeay hay makaangkon suno kana it “Emergency Go Bag” ukon survival kits.
