Kalibo Aklan ———–Ginklaro it lokal nga gobyerno sa banwa it Kalibo nga padayun ro andang pagfollow up agud nga makabatun it suplay it bakuna kontra COVID-19.
Suno kay Basil Tabernilla, Executive Assistant to the Mayor nga owa nagkueang si Kalibo Mayor Emerson Lachica agud nga magpangayo it suplay it bakuna maghalin sa national government.
Kamatuoran sigon kara hay June 11, 2021 nagsueat ro LGU-Kalibo kay Pangueong Rodrigo Duterte agud nga mataw-an it prayoridad ro banwa it Kalibo nga ginakabig nga capital town it probisya it Aklan.
Samtang sakop man sigon sa andang ginapangayo nga suplay ro Isla it Boracay, banwa it Malay ag iba pang mga kabanwahan sa probinsya.
Dugang pa ni Tabernilla nga nagpadaea man si Mayor Lachica it Tracer letter nga naka-address kay Senator Christoper “Bong” Go ag kay Cabinet Secretary Karlo Nograles it national IATF.
