KALIBO, Aklan–Paga-umpisahan eon sa maabot nga disyembre 27 it lokal nga gobyerno it Kalibo ro pagpanupod it laptop ag printer para sa mga opisina it senior citizens sa kada barangay it banwa.
Raya hay pagahiwaton kadungan sa programa it kalibo municipal federation of senior citizen assoction of the philippines ukon fescap.
Angot kara, ginpasaeamatan ni sangguniang bayan member Agosto tolentino ro pagtaeana it budget sa anang approved resolution nga naga-request kay mayor juris sucro sa pag-angkon it nasambit nga mga gadget.
Ro anang resolution suno kana hay sandig sa Republic Act No. 9994 para sa mga senior citizens nga magiging kaparte it nation building.
Sa pihak nga parte, ginkumpirma ni SB tolentino nga nabaton eon it pilang opisyal ag empleyado it munisipyo ro andang service recognition incentive ukon SRI.
Apang kabaliskaran sa napabalita nga tig-20,000 pesos, kapin sa 15,000 eamang ro nabaton it mga empleyado bangud nga raya hay nakadepende sa masarangan nga budget it sangka LGU.
Dugang pa nga ro kantidad nga ginatau hay ginabase sa length of service it empleyado.
