KALIBO, Aklan–Pagapasaeamatan it lokal nga gobyerno it Kalibo kun mataw-an it share it provincial government it pagabak-eon nanda nga COVID-19 vaccine.
Suno kay Kalibo mayor Emerson Lachica sa ginpatigayon nga transportation and security simulation drill nga mabahoe nga bulig ro igatau nga bakuna bangud nga sentro nga banwa ro Kalibo ag naging battleground it makamaeatay nga sakit.
Sa kamatuoran suno kana hay sangka resolusyon ro gindihon ni Sangguniang Bayan member Augusto Tolentino nga naga-request sa lokal nga gobyerno it Aklan nga mataw-an it share it maga-abot nga bakuna sa probinsiya.
Gindugang pa kara nga handum nana nga maabu nga mga kalibonhon ro maturukan it bakuna agud nga maabot ro heard immunity it masobra sa 80,000 nga populasyon it Kalibo agud nga masuk-ean ro deadly virus.
