KALIBO, Aklan—Ginpasalig it national government ro lokal nga gobyerno it Kalibo nga makaangkon it kabahin sa 3 milyon it Johnson and Johnson ag Pfizer covid-19 vaccine delivery sa Pilipinas.
Raya hay suno kay Kalibo Sangguniang Bayan Augusto Tolentino pinaagi man sa aprubadong resolusyon kon sa siin bilang sambilog sa anang inisyatibo hay naghinyo raya kay Vaccine czar Sec. Carlito Galvez nga madugangan ro ginalokar nga bakuna para sa banwa it Kalibo.
Ro nasambit nga tikang hay may positibong sabat halin sa gobyerno nasyonal kon sa siin posibleng makaron nga buean it Nobyembre hay madugangan eon ro alokasyon it US brand nga covid-19 vaccine sa banwa.
Ro ginapangayo nga dugang nga alokasyon it US brand covid-19 vaccine hay preparasyon sigon it LGU para sa nakataeana nga vaccination rollout para sa naga-edad it 12 hasta it 17 anyos.
Sa makaron sigon hay nagapadayon ro vaccination rollout sa banwa it Kalibo agud nga maabot ro target nga herd immunity.
