KALIBO, Aklan—Kasunod it nagatinaas nga positibong kaso it Coronavirus Disease 2019 ukon COVID-19 sa banwa it Kalibo, uman nga magapatigayon it disinfection ro lokal nga gobyerno partikular sa prente it Aklan Provincial Hospital ag iba pang pribadong ospital sa banwa it Kalibo gamit ro firetruck it Bureau of Fire Protection.
Suno kay Kalibo Mayor Emerson Lachica nga makarondaya man ro andang ginhimo kat ginpaidaeum kato sa enhanced community quarantine ro Aklan.
Nagpangayo sigon imaw it bulig kay municipal fire marshall Cadag para sa nasambit nga aktibidad.
Mas madali sigon raya nga proseso , apang magapatigayon man gihapon it mano-manong disinfection ro team halin sa rural health unit sa mga lugar nga pirmeng gina-agtunan it maabu nga tawo.
Ginaeauman nga mas madasig ag mas maabu nga lugar ro maabot sa pagpatigayon it disinfection gamit ro fire truck it BFP Kalibo.
