KALIBO, Aklan—Uman nga nag-apela ro lokal nga gobyerno sa banwa it Kalibo sa mga pomoeuyo nga magsunod sa ginapatuman nga health and safety protocol sa pihak it pagpabilin it probinsiya it Aklan sa General Community Quarantine ukon GCQ with heightened restrictions hasta sa petsa 15 it Agosto.
Suno kay Kalibo vice mayor Cynthia Dela Cruz nga indi sa gihapon maduea ro posibilidad nga pwedeng maipatuman ro Enhaced community quarantine ukon modified enhanced community quarantine eangkasong indi makontrol ro pagtinaas it kaso it covid-19.
Pagklaro pa kara nga sa makarun hay una eun sa critical stage ro Aklan.
Bangud kara, dapat man sigon nga magpreparar ro tanan sa posibilidad nga ro 15 diyas nga gintao it national IATF hay agud nga makapahaom pa ro publiko.
Nasayuan nga sa makarun hay haeos ginakueang eun ro isolationa facility sa probinsiya ag maabo eun ro mga nurses ag doctors nga nagpositibo man sa deadly virus.
