Sigidas makaron ro pagpahaom it lokal nga gobyerno it Kalibo sa mga ginakabig nga highlights it nakataeana nga selebrasyon it Kalibo Ati-atihan Festival 2023.
Suno kay Carla Doromal, executive assistant 1 it office of the mayor, nagapadayon ro workshop ag training it 21 ka mga kandidata nga napilian halin sa kabilugan nga 32 nga nagpapili para sa Binibining Kalibo Ati-atihan nga igapatigayon sa Enero 10, 2023.
Ro mga kandidata hay ginadirek it direktor nga si Raymond Villanueva, committee chairperson it executive committee it Binibining Pilipinas kon siin kada weekend ro andang pag-ensayo.
Ro nasambitang mga kandidata hay naghalin sa nagkaeain-eain nga banwa sa bilog nga probinsya kon siin an-om sa mga raya hay halin sa banwa it New Washington.
Ro andang pagguwa sa publiko hay igapatigayon sa Disyembre 1 kadungan sa opening lights kon siin igapresentar nanda ro andang ati-atihan custome.
Nasayuran nga ro kilaeanon nga Binibining Kalibo Ati-atihan hay maga-uli it P100,000 pesos; ro first runner up hay makaangkon it P70,000 pesos; second runner up hay magabaton it P50,000 kamana man ro consolation prize hay P10,000 pesos.
