KALIBO, Aklan—Nagpanawagan ro lokal nga gobyerno it Libacao sa andang mga residente nga owa nabakunahan it covid-19 vaccine nga magpabakuna sa ginapatigayon makaron nga tatlong adlaw nga national vaccination day.
Suno kay Dr. Aldrinne Fernandez it Municipal Health Office it nasambit nga banwa nga naging maayos ro andang unang adlaw kun sa siin hugut nanda nga ginapatuman ro minimum health and safety protocol sa pihak it maabu nga mga tawo.
Target sigon nanda nga maubos ro 1,400 nga bakuna nga gintaeana kanda it provincial government.
Angot kara, nag apela imaw sa mga eligible residents nga kalitan ro kahigayunan hasta sa disyembre 1 sa idaeum it “Bayanihan Bakunahan” program it gobyerrno agud nga may dugang nga proteksyon kontra sa deadly virus eabi pa ag may bag-ong variant it virus nga Omicron.
Ginapasugtan man sigon nanda ro walk-in nga mas patok sa mga tawo.
Gin-schedule sigon nanda ro bakunahan para sa andang pediatric population ukon naga-edad it 12 hasta 17 anyos sa Nobyembre 30.
Samtang, gin engganyo ni Dr. Fernandez ro mga pumueuyu nga hasta sa makaron nga owa pa nakabaton it unang dose it bakuna nga magpaturok eon agud nga malikawan ro panibag-ong pagtaas it kaso it covid-19 sa ginaeauman nga pagtipon-tipon sa nagahilapit nga holiday season.
Samtang, kapin sa 40% it eligible population ro nabakunahan eon sa nasambit nga banwa.
