MADALAG, Aklan—Gin-abisuhan eon it lokal nga gobyerno it Madalag ro andang mga residente nga na-identify nga ro ginatindugan it andang baeay nga gina-istaran hay maeapit sa west panay fault .
Raya ro ginpahayag ni Fulgencio Froyd Allain Libre III, research and planning it Municipal Disaster Risk Reduction and Management Office ukon MDRRMO-Madalag bilang kaparte it andang disaster prevention mitigation kontra sa pagtuhaw it linog.
Sa pag-usisa, ro mga gina-agyan it faultline sa andang banwa hay ro mga barangay sa nabukid nga parte it panipiason, maria cristina, medina ag galicia.
Kinahangean suno kana nga mapasaylo it ilistaran ro mga residente nga maeapit sa faultline agud nga makalikaw sa anuman nga peligro.
Nagapadayun sigon ro andang information dissemination sa tanan nga mga taga-Madalag nga may faultline sa andang lugar.
Sa pihak nga parte, gindugang pa it opisyal nga mag-eowas sa andang ginapatigayon nga mga earthquake drill hay nagapanupod man sanda it mga flyers sa pagpatigayon it mga barangay assembly angot sa mga dapat nga obrahon kon may linog.
Madumduman nga ko nagtaliwan nga adlaw it domingo hay gin-uyog it mahinay nga linog ro banwa it madalag, kun sa siin tectonic ro origin, nga owa man nagtuga it anuman nga kahalitan.
