KALIBO, Aklan—Umarangkada eon ro COVID-19 vaccine rollout sa banwa it Makato gamit ro Sinovac vaccines.
Kabilugan nga 199 doses it bakuna ro nag abot halin sa Department of Health.
Insigidang gin umpisahan ro COVID-19 vaccination program it lokal nga gobyerno, kun sa siin prayoridad kara ro mga health workers ag iba pang frontliners kapareho it Barangay Health Emergency Response Team (BHERT), bureau of fire protection ukon BFP ag MDRRMO personnel.
Naga abot kunta sa 406 ro target nga mabakunahan apang pila sa mga raya hay umatras sa pagpabakuna bangud sa pagduha-duha.
Angot kara, padayun nga gina engganyo it mga awtoridad ro mga pumueuyu nga kalitan ro kahigayunan nga magpabakuna engkaso nga maging available eon ag mag abot eon ro andang tiempo agud nga makaangkon it dugang nga proteksyon kontra sa deadly virus.
