KALIBO, Aklan — Gin pamalibaran ni Mr. Rowen Aguirre, Executive Assistant to the Mayor it LGU-Malay ro pahayag ni Pangueong Rodrigo Duterte nga ‘suplado ag owa naila mag-cooperate’ it mga tawo sa isla it Boracay.
Sa interview it Bombo Radyo Kalibo, gin pahayag ni Aguirre nga nakikita kara nga ro tanan nga tawo sa isla hay nagapakita it pagkabangat.
Gin pahayag dugang pa kara nga gina tao sigon it tanan ro andang ‘commitment’ nga makipagbueoligan ag owa sigon sanda it ideya kun sin-o ro gina tumod it pangueo nga naga suplado.
Sa pihak nga parte, pabor man si Aguirre sa paandam ni Pangueong Duterte nga iga paaresto rp mga naga planong mag hubeag protesta bilang pagpamaeabag sa mga tikang it gobyerno may kaangtanan sa environmental ag sanitary problem sa isla.
Suno kay Aguirre, kun raya ro kinahangean nga himuon hay owa sanda it nakikitang saea hanungod kara.
Samtang, nagapati man sigon sanda sa pahayag ni Pangueong Duterte nga kinahangean it government intervention sa tatlong isyu sa Boracay nga gina eakipan it isyu sa public health, public interest ag law and order.
