Padayon nga ginapabaskog it lokal nga gobyerno it Malay ro presensya it Boracay sa pangkalibutanong turismo matapos raya nga itampok sa B2B Tourism Engagement Program 2026 sa Kuala Lumpur, Malaysia.
Sa pagpanguna it Municipal Tourism Office, ginhathat it mga opisyal ro mga produkto, serbisyo, ag pinakabag-ong inisyatiba it isla agud makaengganyo it mas maabong turista ag kapitalista.
Ginpatigayon ro event ko Marso 27, 2026, nga gintambungan it mga tourism stakeholders halin Malaysia, Nepal, Indonesia, ag Japan agud pabaskugon ro kaangtanan ag pakikipagbuligan sa industriya.
Ginpunto ni Philippine Consul General Roussel R. Reyes ro importansya it mas maabong flight paadto it Pilipinas, pagpamayad it imprastruktura kaparehas it mga paeoparan, ag malig-on nga kaangtanan it pampubliko ag pribadong sektor agud masiguro ro tayuyon nga pag-umwad it turismo ag ekonomiya.
