KALIBO, Aklan – – – hugot nga gin kondena it Local Government Unit (LGU) Malay ro online news scoops it daywang higanteng mga TV network sa nasyun bangud sa mga lumang litrato nga gin eakip sa artikulo kun siin gina pakita nga ro isla hay napalibutan it green alge ukon mga eumot.
Base sa official statement it LGU Malay, gina batikos nanda ro mga recycled photos ginamit sigon it daywang online news scoops agud mabaligya ro andang balita.
Kabaylu sigon it andang mabahoe nga kita hay bangud sa saeang mga litrato nga naga samad sa imahe it isla nga naga salig eamang sa Tourism Industry.
Nag apela man ro mga raya it responsible journalism.
Gin pamilit pa sa official statement nga ro nasambitang mga litrato hay bo-oe pa ku mga nagtaliwan nga dag-un.
Samtang, gina eauman eon sigon it Boracay nga makaangkon eonman it mga eumot ro palibot it isla kasunod it “algae season” kada tiempo it summer.
Bangud kara, nakapahaum eon sigon ro LGU-Malay sa mga balitang magagowa nga naga pahayag nga mahigku ro isla.
Samtang, gin klaro sa official statement nga suportado it Munisipyo it Malay ro mga tikang it National Government sa tinotuyo it rehabilitasyon sa isla ag mausoyan it solusyon ro gina pangatubang nga problema kara sa sueod it an-um nga buean nga mandu ni Pangueong Rodrigo Duterte.
