KALIBO, Aklan—Nagapanindugan ro 17 nga barangay sa banwa it Malay eakip ro isla it Boracay nga pamaeabagan ro ginaduso nga Boracay Island Development Authority ukon BIDA bill sa idaeum it Government-Owned and Controlled Corporation ukon GOCC.
Suno kay Caticlan Punong Barangay ag Malay Liga ng mga Barangay President Ralf Tolosa nga sa kamatuoran hay nagpadaea sanda it resolusyon sa manaba nga kapueongan it kongreso angot andang hugut nga pagpamaeabag.
Partikular sigon nanda nga ginapamalibaran ro pag-eakot kanda sa mainland Malay.
Nasayuran nga gusto it national government nga obrahon nga GOCC ro pagdumaeahan sa isla it boracay eakip ro Brgy. Caticlan ag pilang parte it Nabas bilang sangka economic zone.
Makabig sigon raya nga pag-eabag sa local government code.
Matsa magiging puppet eamang sigon kara ro mga pumueuyu ag mga opisyal it Malay.
Nagapati si tolosa nga masarangan nga dumaeahan it provincial government it aklan ag LGU-Malay ro Boracay.
Agud nga mas pang mapabaskog ro andang pag-oponer, nagpakalhit sigon sanda it mga tarpaulin kaibahan ro mga stakeholders it isla sa mga pampublikong lugar nga nagapabutyag nga owa sanda naila nga iga-take-over ag BIDA bill bilang GOCC.
Magahimo sigon sanda it sangag hasta nga maka-abot ro andang sentimiento kay pangueong Rodrigo Duterte.
