KALIBO, Aklan—Aprubado eon it lokal nga gobyerno it Malay ro ordinansa kung siin nakabutang ro mga polisiya kaangot sa ginapanag-iyahan nga ayam ag pagparehistro para sa tamang bakuna kontra-rabies.
Pagapabaskugon kara ro programa it banwa sa paglikaw ag pagkontrol sa rabies sandig sa Republic Act 9482 ukon Anti-Rabies Act of 2007.
Ro nasambit nga ordinansa hay magabawae eon sa mga owa nabakunahang ayam nga magwinarang sa pampublikong lugar.
Raya hay para maprotektahan ro mga residente sa peligro nga daea it rabies kamana man nga maresolba ro mga problemang medikal nga tuga it rabies bangud sa angkit it ayam.
Igapatuman man it LGU-Malay ro mahugut nga pag-impound sa mga ayam agud nga malikawan ro pagkalhit it mga raya sa mainland Malay ag isla it Boracay.
