KALIBO, Aklan—Mas pang ginpatag-uran it lokal nga gobyerno it Malay ro curfew hour sa isla it Boracay.
Epektibo kahapon nga adlaw it Biyernes, Pebrero 26 nag-umpisa eon it ala-1 it aga-aga hasta alas-4 it aga-aga ro curfew hour sa isla halin sa dating alas-11 it gabi-i hasta alas-4 it aga-aga.
Ro kasuguan hay sandig sa ginpagguwa ag ginpirmahan nga Executive Order No. 6, Series of 2021 ni Malay Mayor Frolibar Bautista.
Suno kay Mayor Bautista, tuyo it nasambit nga adjustment nga maka-engganyo it mas maabo nga turista.
Kamana man nga mataw-an it kahigayunan ro mga turista nga ma-enjoy ro nagkaeain-eain nga aktibidad samtang sanda hay nagabakasyon sa Boracay.
Ginklaro man ni Mayor Bautista nga ro adjustment it curfew hay para eamang sa Boracay rason nga magapabilin gihapon umpisa alas-9 it gabi-i hasta alas-5 it aga-aga ro curfew hour sa Mainland Malay.
